أحبـك قلتهـا واقولهـا للمـره المليـون



أحبك من حروف اربع تربع في سما ذاتـك



أحبك وأعشقك بجنون لا والله هبل وجنـون



بلاك الله بمجنونة غلاك وضحكـة اشفاتـك


حبيبي لو زعل قلبي تأكد مستحيل ايخـون



حلفت أني معك لبقى على خبرك وهقواتـك



فديتك لاتحاتيني تجاهـل قلبـي المطعـون



غيابي لجل مالومـك علـى تكـرار زلاتـك


حرمت القلب من قربك وقلبي يحترق بالهون



يبي قربك يبي حبك يبي صوتك وهمساتـك



تعبت وقلت افكك واعتقك من شكي المسنون



وصرت وربي اخجل من عتابك واعتذاراتـك

واقول بخاطري بصبر مدام أني على هالون



اشـك وغيرتـي تشعـل فتايلهـا بغاياتـك


حبيبي أسفه جدا اهـون ولاعلـي اتهـون



أنا كلي فدى عينك فدى روحـك ونبضاتـك



تبي أكثر بعد أكثر أحبك واشطب المليـون



أحبك كثر مادمعي بطهـره اغتسـل ذاتـك