السلام عليكم

المقادير و الطريقة
بالنسبة للعبار كنعبرو بنفس الزلافة البيض و الزيت و سنيدة والسميدة انا درت 4 بيضات كبار ماعمراتش لي الزلافة حتى الفم
و عبرت المقادير الاخرى بحال البيض



كنديرو جميع المقادير في الخلاط و نطحنو مزيان حتى تنسجم العناصر



كنكبو الخليط في مقلة ثقيلة ديال لمسمن مدهونة بالزيت و مرشوشة بالسميدة
و ندخلوها لفران مسخن من قبل و ننقص من النار



بالنسبة للسيرو باش غدي نسقيو كنحتاجو
كاس صغير ماء (نعبرو بكاس دانون)
كاس سكر (الوصفة فيها كاس و نصف و لكن اللي بغى ينقص الحلاوة يدير غير كاس )
عصير نصف حامضة
2 فاني
كنديرو كلشي في كسرونة فوق النار و نخليوه يغلي مزيان و يذوب السكر و نزولوه



هذا هو السيرو و معاه الكوك اللي غذي نزينو بيه وجه البسبوسة



هنا منين خرجات من الفران فالاول كنطيبوها من التحت و منين يبانو لينا الجناب بداو يتحمرو كنزلوها تتحمر شوية
من الفوق و نردو البال حيت بسرعة كتحمر



كنسقيوها بالسيرو اللي عندنا نسقيو المرة الاولى و نحركو المقلة باش البسبوسة تشرب السيرو
ثم نكملو السقي و نرشوها مزيان من الفوق بالكوك او لوز مهرمش



و هنا منين تقطعات ...



كتجي خفيفة و بنينة و شاربة السيرو مزيان و مامعجناش..



هاهي عن قرب ماتترددوش تجربوها لانها ساهلة و تستحق التجربة




منقول