sأفضل طريقة لإزالة المكياج 🤔
.
.
راح اتطرق للافضل للأقل تفضيلا .
.
1- مستحضر مزيل المكياج مع القطن : هي افضل طريقة نفس ما وضحت بالفيديو القطن تلقونه بالجمعيات انا عن نفسي اشتري المدور من جونسون اند جونسون وايد ناعم و ناسبني و بالنهاية الخيار لكم لان في وايد انواع اما عن مستحضر ازالة المكياج ساعات يكون سائل و ساعات مائل للكريمي المهم ان نستخدمه بقطنه و بالنهايه في وايد انواع زينه بس لازم نحط ببالنا في منهم للعيون بس و في للوجه بس و في منهم للاثنين معا و ينكتب عليهم هالشي و اما من وين نشتريهم بالجمعيات في انواع جيده و بالصيدليات بعد و حتى بمراكز التجميل مثل كلارنس يعتبر مزيل مكياج جيد بس مو شرط اهوا قاعده اعطي مثال المهم ناسب بشرتكم فممكن تستخدمونه لازالة المكياج يعني الخلاصه مزيل مكياج احط منه بقطنه و ازيل فيه المكياج هي افضل طريقه لازالة المكياج 👍🏼
.
2- مناديل المبللة لازالة المكياج تلقونها بالجمعيات او في حتى بالصيدليات بس لازم تلاحظون شي مهم يكتبون عليها خاليه من العطور و الكحول و اذا كانت البشرة دهنية لازم تكون خاليه من الدهون و نوعية المناديل ملمسها مهم يعني ماتكون مائلة للخشنه او فيها ملمس النايلون و يفضل تكون مقاربة للقطنية لانها بالنهايه بتحتك بالبشره امثله انا احبها مناديل نيفيا اللي يكتبون عليها خاليه من الكحول و العطور و الامثله كثيرة للامانه بس انا قاعده احط من اللي استخدمتهم نيفيا و لكن في كثيرين نيتروجينا هيمالايا جونسون و غيره بس ماجربتهم .
3- فوطة ازالة المكياج اللي انتشرت بالفترة الاخيرة ليست سيئة و لكنها ليست الافضل لعدة اسباب لان القطن يكون دايما انعم منها و لان استخدامنا لها يتكرر و نرجع نستخدمها مرات عزه و ساعات ما تكون نظيفة 100٪ و غير هذا ممكن يظل اماكن بالوجه ما زال منها المكياج بالكامل .. ميزتها انها عملية و اقل تكلفه و ارد و اقول مو سيئة لكنها ليست الافضل ✋🏼 .
.
